شركة LG أطلقت تلفزيونات QNED 2025 لكن المفاجأة إن الطرازات الجديدة مش بتستخدم تقنية النقاط الكمومية (Quantum Dot) زي موديلات 2024
الشركة بتعتمد على تقنية ألوان جديدة اسمها “Dynamic QNED Color Solution” لتحسين الصورة
تقنية النقاط الكمومية معروفة إنها بتعزز جودة الصورة في شاشات LCD، وعادةً الحرف “Q” في أسماء التلفزيونات بيدل عليها، زي ما سامسونج بتعمل في تلفزيونات QLED
لكن LG أكدت إن موديلات 2025 مبتستخدمش النقاط الكمومية وده ممكن يسبب حيرة لبعض الناس بسبب الاسم
ده مش أول مرة يحصل ارتباك بسبب أسماء تسويقية.قبل كده، شركة TCL واجهت مشاكل قانونية لما استخدمت اسم “QLED” لتلفزيونات مش فيها نقاط كمومية
كمان LG هتضيف ميزة جديدة اسمها Zero Connect Box في تلفزيونات QNED Evo Mini LED
الميزة دي بتسمح بنقل فيديو 4K بسرعة تصل لـ 144 هرتز لاسلكيًا
التلفزيونات الجديدة هتبقى متاحة في الأسواق لاحقًا في 2025 والتركيز هيكون على جودة الصورة وتجربة المستخدم بتقنيات حديثة.
