بقلم : د . حسام رفاعي
كان لازم تفهم قبل ما تيجي الدنيا انك داخل علي حرب وأن ربنا لما أنزل آدم إلى الأرض أكد عليه أنه مش ها يعيش فيها لوحده.
لكن معاه عدوه إبليس ها يفضل وراه .
وزي ما أخرجه من الجنة ها يفضل وراه علشان ياخده معاه جهنم.
وخليك عارف أن إبليس مش ها تشوفه لكن ها يبعت لك جنوده من الإنس.
وعلشان كده غصب عنك ها تقابل ناس كدا.
الناس دي هي حثالة البشر وأحقر ولد آدم .
ها تلاقي منهم رجالة وستات.
خد بالك شكلهم حلو وشيك .
أصحاب معالي واقدار عاليه بين الناس .
لكن في الحقيقة هم شياطين في شكل بشر .
مفيش في ايدك شئ علشان تتجنبهم .
غير انك تستعين بالله عليهم وتتحمل .
لأنك شئت او أبيت هاتتعامل معاهم .
واعرف ان كل ماكانت الحرب شديدة عليك .
دا معناه انك انت الأقوي .
واعرف ان يوم الحساب قريب .
وساعتها ها تشوف شكلهم وتعرفهم .
وتكون اكبر مفاجأة ليك .
وأهم حاجة انك تنتصر وتخرج من الحرب دي .
وانت مع القلة المؤمنة .
اللهم ربنا ارزقنا الثبات علي الإيمان .
واصرف عنا مكائد شياطين الإنس والجن .
اللهم أخرجنا من هذه الدنيا وأنت راض عنا .
واختم لنا بخاتمة السعادة أجمعين .
اللهم آمين ..
