بقلم : د . حسام رفاعي
كان لازم تفهم قبل ما تيجي الدنيا انك داخل علي حرب وان ربنا لما انزل آدم الي الأرض أكد عليه انه مش هايعيش فيها لوحده
لكن معاه عدوه ابليس هايفضل وراه .
وزي مااخرجه من الجنة هايفضل وراه علشان ياخده معاه جهنم.
وخليك عارف ان ابليس مش هتشوفه لكن هايبعت لك جنوده من الإنس.
وعلشان كده غصب عنك هاتقابل ناس كدا.
الناس دي هي حثالة البشر واحقر ولد آدم .
هاتلاقي منهم رجالة وستات.
خد بالك شكلهم حلو وشيك .
أصحاب معالي واقدار عاليه بين الناس .
لكن في الحقيقة هما شياطين في شكل بشر .
مفيش في ايدك شئ علشان تتجنبهم .
غير انك تستعين بالله عليهم وتتحمل .
لأنك شئت او أبيت هاتتعامل معاهم .
واعرف ان كل ماكانت الحرب شديدة عليك .
دا معناه انك انت الأقوي .
واعرف ان يوم الحساب قريب .
وساعتها هاتشوف شكلهم وتعرفهم .
وتكون اكبر مفاجأة ليك .
وأهم حاجة انك تنتصر وتخرج من الحرب دي .
وانت مع القلة المؤمنة .
اللهم ربنا ارزقنا الثبات علي الإيمان .
واصرف عنا مكائد شياطين الإنس والجن .
اللهم أخرجنا من هذه الدنيا وانت راض عنا .
واختم لنا بخاتمة السعادة أجمعين .
اللهم آمين ..
